Luk 18 | SBLG | STEP | Ἔλεγεν δὲ παραβολὴν αὐτοῖς πρὸς τὸ δεῖν πάντοτε προσεύχεσθαι αὐτοὺς καὶ μὴ ἐγκακεῖν,

Luke 18

1 Ἔλεγεν ^{▼▼ δὲ = WH NA/NIV: || δὲ καὶ = Treg RP} δὲ παραβολὴν αὐτοῖς πρὸς τὸ δεῖν πάντοτε προσεύχεσθαι ^{▼▼ αὐτοὺς = WH Treg NA/NIV: || [omit] = RP} αὐτοὺς καὶ μὴ ἐγκακεῖν, 2 λέγων· Κριτής τις ἦν ἔν τινι πόλει τὸν θεὸν μὴ φοβούμενος καὶ ἄνθρωπον μὴ ἐντρεπόμενος. 3 χήρα δὲ ἦν ἐν τῇ πόλει ἐκείνῃ καὶ ἤρχετο πρὸς αὐτὸν λέγουσα· Ἐκδίκησόν με ἀπὸ τοῦ ἀντιδίκου μου. 4 καὶ οὐκ ^{▼▼ ἤθελεν = WH Treg NA/NIV: || ἠθέλησεν = RP} ἤθελεν ἐπὶ χρόνον, μετὰ ^{▼▼ ταῦτα δὲ = WH Treg: || δὲ ταῦτα = NA/NIV RP} ταῦτα δὲ ⸃ εἶπεν ἐν ἑαυτῷ· Εἰ καὶ τὸν θεὸν οὐ φοβοῦμαι ^{▼▼ οὐδὲ ἄνθρωπον = WH Treg NA/NIV: || καὶ ἄνθρωπον οὐκ = RP} οὐδὲ ἄνθρωπον ⸃ ἐντρέπομαι, 5 διά γε τὸ παρέχειν μοι κόπον τὴν χήραν ταύτην ἐκδικήσω αὐτήν ἵνα μὴ εἰς τέλος ἐρχομένη ὑπωπιάζῃ με. 6 εἶπεν δὲ ὁ κύριος· Ἀκούσατε τί ὁ κριτὴς τῆς ἀδικίας λέγει· 7 ὁ δὲ θεὸς οὐ μὴ ποιήσῃ τὴν ἐκδίκησιν τῶν ἐκλεκτῶν αὐτοῦ τῶν βοώντων ^{▼▼ αὐτῷ = WH Treg NA/NIV: || πρὸς αὐτὸν = RP} αὐτῷ ἡμέρας καὶ νυκτός, καὶ ^{▼▼ μακροθυμεῖ = WH Treg NA/NIV: || μακροθυμῶν = RP} μακροθυμεῖ ἐπ᾽ αὐτοῖς; 8 λέγω ὑμῖν ὅτι ποιήσει τὴν ἐκδίκησιν αὐτῶν ἐν τάχει. πλὴν ὁ υἱὸς τοῦ ἀνθρώπου ἐλθὼν ἆρα εὑρήσει τὴν πίστιν ἐπὶ τῆς γῆς;

9 Εἶπεν δὲ ^{▼▼ καὶ = WH Treg NA/NIV: || [omit] = RP} καὶ πρός τινας τοὺς πεποιθότας ἐφ᾽ ἑαυτοῖς ὅτι εἰσὶν δίκαιοι καὶ ἐξουθενοῦντας τοὺς λοιποὺς τὴν παραβολὴν ταύτην· 10 Ἄνθρωποι δύο ἀνέβησαν εἰς τὸ ἱερὸν προσεύξασθαι, ^{▼▼ ὁ = NA/NIV RP: || [omit] = WH Treg} ὁ εἷς Φαρισαῖος καὶ ὁ ἕτερος τελώνης. 11 ὁ Φαρισαῖος σταθεὶς ^{▼▼ πρὸς ἑαυτὸν ταῦτα = NA/NIV RP: || ταῦτα πρὸς ἑαυτὸν = WH Treg} πρὸς ἑαυτὸν ταῦτα ⸃ προσηύχετο· Ὁ θεός, εὐχαριστῶ σοι ὅτι οὐκ εἰμὶ ^{▼▼ ὥσπερ = WH NA/NIV RP: || ὡς = Treg} ὥσπερ οἱ λοιποὶ τῶν ἀνθρώπων, ἅρπαγες, ἄδικοι, μοιχοί, ἢ καὶ ὡς οὗτος ὁ τελώνης· 12 νηστεύω δὶς τοῦ σαββάτου, ^{▼▼ ἀποδεκατῶ = Treg NA/NIV RP: || ἀποδεκατεύω = WH} ἀποδεκατῶ πάντα ὅσα κτῶμαι. 13 ^{▼▼ ὁ δὲ = WH NA/NIV: || καὶ ὁ = Treg RP} ὁ δὲ ⸃ τελώνης μακρόθεν ἑστὼς οὐκ ἤθελεν οὐδὲ τοὺς ὀφθαλμοὺς ^{▼▼ ἐπᾶραι εἰς τὸν οὐρανόν = WH Treg NA/NIV: || εἰς τὸν οὐρανόν ἐπᾶραι = RP} ἐπᾶραι εἰς τὸν οὐρανόν ⸃, ἀλλ᾽ ^{▼▼ ἔτυπτε = WH Treg NA/NIV: || ἔτυπτε εἰς = RP} ἔτυπτε τὸ στῆθος ^{▼▼ αὐτοῦ = NA/NIV RP: || ἑαυτοῦ = WH Treg} αὐτοῦ λέγων· Ὁ θεός, ἱλάσθητί μοι τῷ ἁμαρτωλῷ. 14 λέγω ὑμῖν, κατέβη οὗτος δεδικαιωμένος εἰς τὸν οἶκον αὐτοῦ ^{▼▼ παρ᾽ ἐκεῖνον = WH Treg NA/NIV: || ἢ γὰρ ἐκεῖνος = RP} παρ᾽ ἐκεῖνον ⸃· ὅτι πᾶς ὁ ὑψῶν ἑαυτὸν ταπεινωθήσεται, ὁ δὲ ταπεινῶν ἑαυτὸν ὑψωθήσεται.

15 Προσέφερον δὲ αὐτῷ καὶ τὰ βρέφη ἵνα αὐτῶν ἅπτηται· ἰδόντες δὲ οἱ μαθηταὶ ^{▼▼ ἐπετίμων = WH Treg NA/NIV: || ἐπετίμησαν = RP} ἐπετίμων αὐτοῖς. 16 ὁ δὲ Ἰησοῦς ^{▼▼ προσεκαλέσατο αὐτὰ λέγων = WH Treg NA/NIV: || προσκαλεσάμενος αὐτὰ εἶπεν = RP} προσεκαλέσατο αὐτὰ λέγων ⸃· Ἄφετε τὰ παιδία ἔρχεσθαι πρός με καὶ μὴ κωλύετε αὐτά, τῶν γὰρ τοιούτων ἐστὶν ἡ βασιλεία τοῦ θεοῦ. 17 ἀμὴν λέγω ὑμῖν, ὃς ^{▼▼ ἂν = WH Treg NA/NIV: || ἐὰν = RP} ἂν μὴ δέξηται τὴν βασιλείαν τοῦ θεοῦ ὡς παιδίον, οὐ μὴ εἰσέλθῃ εἰς αὐτήν.

18 Καὶ ἐπηρώτησέν τις αὐτὸν ἄρχων λέγων· Διδάσκαλε ἀγαθέ, τί ποιήσας ζωὴν αἰώνιον κληρονομήσω; 19 εἶπεν δὲ αὐτῷ ὁ Ἰησοῦς· Τί με λέγεις ἀγαθόν; οὐδεὶς ἀγαθὸς εἰ μὴ εἷς ὁ θεός. 20 τὰς ἐντολὰς οἶδας· Μὴ μοιχεύσῃς, Μὴ φονεύσῃς, Μὴ κλέψῃς, Μὴ ψευδομαρτυρήσῃς, Τίμα τὸν πατέρα σου καὶ τὴν ^{▼▼ μητέρα = WH Treg NA/NIV: || μητέρα σου = RP} μητέρα. 21 ὁ δὲ εἶπεν· Ταῦτα πάντα ^{▼▼ ἐφύλαξα = WH Treg NA/NIV: || ἐφυλαξάμην = RP} ἐφύλαξα ἐκ νεότητος ^{▼▼ μου = Treg RP: || [omit] = WH NA/NIV} μου. 22 ἀκούσας ^{▼▼ δὲ = WH Treg NA/NIV: || δὲ ταῦτα = RP} δὲ ὁ Ἰησοῦς εἶπεν αὐτῷ· Ἔτι ἕν σοι λείπει· πάντα ὅσα ἔχεις πώλησον καὶ διάδος πτωχοῖς, καὶ ἕξεις θησαυρὸν ἐν ^{▼▼ οὐρανοῖς = Holmes WHmarg: || τοῖς οὐρανοῖς = WH Treg NA/NIV; || οὐρανῷ = RP} οὐρανοῖς, καὶ δεῦρο ἀκολούθει μοι. 23 ὁ δὲ ἀκούσας ταῦτα περίλυπος ^{▼▼ ἐγενήθη = WH Treg NA/NIV: || ἐγένετο = RP} ἐγενήθη, ἦν γὰρ πλούσιος σφόδρα. 24 Ἰδὼν δὲ αὐτὸν ὁ ^{▼▼ Ἰησοῦς = WH NIV: || Ἰησοῦς περίλυπον γενόμενον = Treg RP NA} Ἰησοῦς εἶπεν· Πῶς δυσκόλως οἱ τὰ χρήματα ἔχοντες ^{▼▼ εἰς … θεοῦ εἰσπορεύονται = WH Treg NA/NIV: || εἰσελεύσονται εἰς … θεοῦ = RP} εἰς τὴν βασιλείαν τοῦ θεοῦ εἰσπορεύονται ⸃· 25 εὐκοπώτερον γάρ ἐστιν κάμηλον διὰ ^{▼▼ τρήματος βελόνης = WH Treg NA/NIV: || τρυμαλιᾶς ῥαφίδος = RP} τρήματος βελόνης ⸃ εἰσελθεῖν ἢ πλούσιον εἰς τὴν βασιλείαν τοῦ θεοῦ εἰσελθεῖν.

26 Εἶπαν δὲ οἱ ἀκούσαντες· Καὶ τίς δύναται σωθῆναι; 27 ὁ δὲ εἶπεν· Τὰ ἀδύνατα παρὰ ἀνθρώποις δυνατὰ ^{▼▼ παρὰ τῷ θεῷ ἐστιν = WH Treg NA/NIV: || ἐστιν παρὰ τῷ θεῷ = RP} παρὰ τῷ θεῷ ἐστιν ⸃.

28 Εἶπεν δὲ ^{▼▼ ὁ = WH Treg NA/NIV: || [omit] = RP} ὁ Πέτρος· Ἰδοὺ ἡμεῖς ^{▼▼ ἀφέντες τὰ ἴδια = WH Treg NA/NIV: || ἀφήκαμεν πάντα καὶ = RP} ἀφέντες τὰ ἴδια ⸃ ἠκολουθήσαμέν σοι. 29 ὁ δὲ εἶπεν αὐτοῖς· Ἀμὴν λέγω ὑμῖν ὅτι οὐδείς ἐστιν ὃς ἀφῆκεν οἰκίαν ἢ ^{▼▼ γυναῖκα ἢ ἀδελφοὺς ἢ γονεῖς = WH NA/NIV: || γονεῖς ἢ ἀδελφοὺς ἢ γυναῖκα = Treg RP} γυναῖκα ἢ ἀδελφοὺς ἢ γονεῖς ⸃ ἢ τέκνα ἕνεκεν τῆς βασιλείας τοῦ θεοῦ, 30 ὃς ^{▼▼ οὐχὶ = WH NA/NIV: || οὐ = Treg RP} οὐχὶ μὴ ^{▼▼ ἀπολάβῃ = Treg NA/NIV RP: || λάβῃ = WH} ἀπολάβῃ πολλαπλασίονα ἐν τῷ καιρῷ τούτῳ καὶ ἐν τῷ αἰῶνι τῷ ἐρχομένῳ ζωὴν αἰώνιον.

31 Παραλαβὼν δὲ τοὺς δώδεκα εἶπεν πρὸς αὐτούς· Ἰδοὺ ἀναβαίνομεν εἰς ^{▼▼ Ἰερουσαλήμ = WH Treg NA/NIV: || Ἱεροσόλυμα = RP} Ἰερουσαλήμ, καὶ τελεσθήσεται πάντα τὰ γεγραμμένα διὰ τῶν προφητῶν τῷ υἱῷ τοῦ ἀνθρώπου· 32 παραδοθήσεται γὰρ τοῖς ἔθνεσιν καὶ ἐμπαιχθήσεται καὶ ὑβρισθήσεται καὶ ἐμπτυσθήσεται, 33 καὶ μαστιγώσαντες ἀποκτενοῦσιν αὐτόν, καὶ τῇ ἡμέρᾳ τῇ τρίτῃ ἀναστήσεται. 34 καὶ αὐτοὶ οὐδὲν τούτων συνῆκαν, καὶ ἦν τὸ ῥῆμα τοῦτο κεκρυμμένον ἀπ᾽ αὐτῶν, καὶ οὐκ ἐγίνωσκον τὰ λεγόμενα.

35 Ἐγένετο δὲ ἐν τῷ ἐγγίζειν αὐτὸν εἰς Ἰεριχὼ τυφλός τις ἐκάθητο παρὰ τὴν ὁδὸν ^{▼▼ ἐπαιτῶν = WH Treg NA/NIV: || προσαιτῶν = RP} ἐπαιτῶν. 36 ἀκούσας δὲ ὄχλου διαπορευομένου ἐπυνθάνετο ^{▼▼ τί = WH NA/NIV RP: || τί ἂν = Treg} τί εἴη τοῦτο· 37 ἀπήγγειλαν δὲ αὐτῷ ὅτι Ἰησοῦς ὁ Ναζωραῖος παρέρχεται. 38 καὶ ἐβόησεν λέγων· Ἰησοῦ υἱὲ Δαυίδ, ἐλέησόν με. 39 καὶ οἱ προάγοντες ἐπετίμων αὐτῷ ἵνα ^{▼▼ σιγήσῃ = WH Treg NA/NIV: || σιωπήσῃ = RP} σιγήσῃ· αὐτὸς δὲ πολλῷ μᾶλλον ἔκραζεν· Υἱὲ Δαυίδ, ἐλέησόν με. 40 σταθεὶς δὲ ^{▼▼ ὁ = Treg NA/NIV RP: || [omit] = WH} ὁ Ἰησοῦς ἐκέλευσεν αὐτὸν ἀχθῆναι πρὸς αὐτόν. ἐγγίσαντος δὲ αὐτοῦ ἐπηρώτησεν αὐτόν· 41 ^{▼▼ Τί = WH NA/NIV: || λέγων Τί = Treg RP} Τί σοι θέλεις ποιήσω; ὁ δὲ εἶπεν· Κύριε, ἵνα ἀναβλέψω. 42 καὶ ὁ Ἰησοῦς εἶπεν αὐτῷ· Ἀνάβλεψον· ἡ πίστις σου σέσωκέν σε. 43 καὶ παραχρῆμα ἀνέβλεψεν, καὶ ἠκολούθει αὐτῷ δοξάζων τὸν θεόν. καὶ πᾶς ὁ λαὸς ἰδὼν ἔδωκεν αἶνον τῷ θεῷ.